Серебрянский Юрий Юрьевич, 1975 жылы туған, ұлты поляк. 1997 жылы әл-Фараби атындағы Қазақ ұлттық университетінің бакалавриатын тәмамдаған. Польшадағы Ольштын қаласындағы Вармин-Мазур университетінде «Еуропадағы мәдениетаралық коммуникациялар» мамандығы бойынша магистратураны бітірген. 2024 жылы Ольштын қаласындағы Вармин-Мазур университетінің Докторлық мектебін аяқтап, 2025 жылы социолингвистика бағыты бойынша PhD докторы ғылыми дәрежесін қорғаған. Диссертациясының тақырыбы: «Орыс тілі өзге этностық ортада. Қазіргі Польша мысалында». Қазақстан Республикасы Жазушылар одағының, Қазақ PEN-клубының және Польша әдеби аудармашылар қауымдастығының мүшесі. Қазақстандық және шетелдік ғылыми журналдарда, соның ішінде Scopus дерекқорында индекстелетін басылымдарда жарияланған ғылыми мақалалардың авторы. Бірнеше прозалық және поэзиялық кітаптардың, сондай-ақ қазақстандық және шетелдік әдеби журналдардағы жарияланымдардың авторы. «Алтыншаш» кітабы Қазақстан халқы Ассамблеясының мемлекеттік сыйлығымен марапатталған. «Құрмет» орденінің иегері. Қазіргі уақытта әл-Фараби атындағы Қазақ ұлттық университетінің Орыс филологиясы және әлем тілдері кафедрасында аға оқытушы болып қызмет атқарады.